Qırımtatar Milliy Meclisi Ukrayina musulmanlarını acılıqnıñ (Mekke ziyareti) yekünlenüvini qayd etken Qurban bayramı ile hayırladı. Mütenasip tebriklev Meclisniñ içtimaiy saifelerinde derc etildi.
"Bu sene Qurban Bayramını Vatanımıznıñ vaqtınca işğali şaraitlerinde kene qarşılaymız. Biñlernen qırımtatar evlerini terk etmege mecbur oldı, biñlernen kişi repressiyalarğa, taqiplerge oğratıla, apiske alına ve azatlıqtan marum etile. Qırımtatar halqı kene tuvğan, amma işğal etilgen Qırım, qıtaiy Ukraina ve dünyanıñ bir çoq memleketi arasında bölündi. Buña baqmadan, tamır qırımtatar halqı öz menligini saqlay ve Qırımnı işğal etken ve Ukrayinanı yoq etmege tırışqan Rusiye duşmanına qarşı tura", — dep aytıla muracaatta.
Qırımtatar Milliy Meclisinde, qanunsız sürette azatlıqtan marum etilgen Kremlniñ mabüsleri içün de dua etilgenini bildirdiler. Olarnı azat etmek içün ğayretimizni toqtatmaycaqmız.
Qurban bayramı – musulmanlarnıñ eñ büyük bayramlarından biri olıp, Mekkege acılıqnıñ soñuna kelgenini temsil ete. Oraza Bayramından 70 kün keçken soñ qayd etile.
Qurban Bayramı büyük meydanlarda cemaat ile qılınğan bayram namazından başlana ve ondan soñ qurban çalına. Bu ananeniñ tamırları Allahnıñ İbraim peyğamberge oğlu İsmailni qurban ketirmege bermeyip, qoynı kesmege buyurıp toqtatqanından kele.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
